ADA Universiteti və MegaSec AI Laboratoriyası BƏƏ-də keçirilən AICT 2025 konfransında birgə tədqiqat təqdim etdi.

29–31 oktyabr tarixlərində BƏƏ-nin Əl Əyn şəhərində keçirilən AICT 2025 beynəlxalq konfransında ADA Universiteti və MegaSec AI Laboratoriyası tərəfindən birgə tədqiqat təqdim edilib.

Tədqiqat “Enhancing Retrieval and Re-ranking in RAG: A Case Study on Tax Law of Azerbaijan” mövzusunda olub və süni intellekt texnologiyalarının hüquq sahəsində tətbiqi üzrə təqdim olunub.

Konfransda ADA Universitetinin professoru Samir Rüstəmovun rəhbərliyi altında, laboratoriyanın süni intellekt mühəndisi Zaid Rüstəmov və 11-ci sinif şagirdi və “MegaSec AI Laboratory”-nın Süni İntellekt həlləri üzrə təcrübəçisi Mehdi Qasımzadə Azərbaycanı uğurla təmsil edib!