Digital Twin & Crowd Management
Digital Twin & Crowd Management — fiziki məkan və infrastrukturun rəqəmsal mühitdə vizuallaşdırılması ilə insan axınının real vaxt rejimində monitorinqini və idarə olunmasını bir platformada birləşdirən ağıllı idarəetmə həllidir. Sistem fiziki obyekt və ərazinin rəqəmsal əkizini (Digital Twin) formalaşdıraraq müxtəlif məlumat mənbələrindən əldə olunan məlumatları vahid rəqəmsal mühitdə təqdim edir. Bu mühit üzərindən obyektin infrastrukturu, məkan üzrə hərəkətlilik və insan axınının dinamikası operativ şəkildə izlənilə və analiz edilə bilər. Crowd Management komponenti insanların sıxlığını, hərəkət istiqamətlərini və müxtəlif zonalardakı yük səviyyəsini analiz edərək potensial sıxlıq və riskli vəziyyətlərin vaxtında müəyyənləşdirilməsinə imkan verir. Əldə olunan məlumatlar interaktiv vizuallaşdırmalar və analitik dashboardlar vasitəsilə təqdim olunur. Həll real vaxt məlumatları əsasında monitorinq, analiz, operativ idarəetmə və qərar qəbuletmə proseslərini dəstəkləyir. Eyni zamanda tarixi məlumatlar əsasında insan axınının davranışının təhlili və müxtəlif ssenarilərin modelləşdirilməsi mümkün olur. Sistem metro və nəqliyyat infrastrukturu, hava limanları, stadionlar, tədbir və sərgi məkanları, ticarət və biznes mərkəzləri və digər yüksək insan axınının olduğu obyektlərdə tətbiq oluna bilər. Bu yanaşma təşkilatlara fiziki məkanın vahid rəqəmsal görünüşünü əldə etməyə, insan axınlarını daha effektiv idarə etməyə, resurslardan səmərəli istifadə etməyə və operativ qərarların qəbulunu məlumat əsaslı şəkildə həyata keçirməyə imkan verir.
