Süni intellekt

Kompüter görməsi və video analitika həlləri şəkil və video axınlarını real vaxt rejimində təhlil edərək onların məzmununu və kontekstini dəqiq müəyyən edir. Şirkətimizin ağıllı aşkarlama sistemləri video və sensor məlumatlarını emal edərək şəxsləri, nəqliyyat vasitələrini, obyektləri və hadisələri avtomatik olaraq aşkar edir, tanıyır və izləyir. Bununla yanaşı, sistemlər yalnız obyektləri deyil, onların davranışını və risk səviyyəsini də qiymətləndirir. Nəticədə ənənəvi passiv müşahidə vasitələri potensial təhlükələri proaktiv şəkildə aşkar edən və müvafiq xidmətləri dərhal məlumatlandıran "rəqəmsal müşahidəçilərə" çevrilir.

Həllərimiz müxtəlif sektorlarda geniş tətbiq imkanlarına malikdir. Kütləvi tədbirlərdə, hava limanlarında və digər ictimai məkanlarda sistem izdihamdakı qeyri-adi davranışları aşkar edərək təhlükəsizlik xidmətlərini vaxtında məlumatlandırır. Nəqliyyat sahəsində yol hərəkətindəki təhlükəli vəziyyətlər və qəza riskləri real vaxt rejimində müəyyən edilir. Kritik infrastruktur obyektlərində, sənaye müəssisələrində və digər mühafizə olunan ərazilərdə isə icazəsiz hərəkət halları dərhal aşkar olunur və avtomatik reaksiya mexanizmləri işə salınır. Bu yanaşma təhlükəsizlik və idarəetmə proseslərinin səmərəliliyini keyfiyyətcə yeni səviyyəyə yüksəldir. Sistemin əsas funksional imkanlarına üz tanıma, avtomobil nömrələrinin tanınması (ANPR), obyektlərin aşkarlanması, insanların və nəqliyyat vasitələrinin izlənməsi, davranış təhlili və ağıllı video müşahidə daxildir. Həllərimizin əsas üstünlüyü onların davamlı öyrənmə qabiliyyətidir: hər təhlildən sonra sistemin dəqiqliyi artır və real risklər daha erkən mərhələdə müəyyən edilir. Bu, təşkilatlara hadisələrə yalnız reaksiya verməklə kifayətlənməyib onları qabaqlamağa, əməliyyat risklərini və xərcləri azaltmağa imkan verir.

Səs insan üçün ən təbii ünsiyyət formasıdır. Şirkətimiz bu təbii ünsiyyəti müasir texnologiyaya çevirir. Nitq.ai platforması Azərbaycan dili üçün xüsusi olaraq hazırlanmış nitq modelləri əsasında fəaliyyət göstərir və səsi birbaşa rəqəmsal əməliyyatların tərkib hissəsinə çevirir. Sistem şifahi nitqi yüksək dəqiqliklə mətnə çevirir, mətnləri isə təbii və axıcı səslə səsləndirir. Bu, istifadəçilərə klaviatura və mürəkkəb interfeyslərdən asılı olmadan sistemlə qarşılıqlı əlaqə qurmağa imkan verir.

Həllərimiz müxtəlif sahələrdə geniş tətbiq imkanlarına malikdir. Korporativ mühitdə görüş və iclasların avtomatik transkripsiyası, eləcə də real vaxt rejimində stenoqrafiya təmin edilir. Çağrı mərkəzlərində danışıqlar avtomatik qeydə alınır və təhlil edilir, müxtəlif danışanların nitqi bir-birindən ayrılır. Bundan əlavə, texnologiya səsli köməkçilərin yaradılmasında və səs əsaslı idarəetmə sistemlərində tətbiq olunur. Sistemin əsas funksional imkanlarına nitqin mətnə və mətnin nitqə çevrilməsi, danışanın tanınması və danışanların ayrılması daxildir. Platforma müxtəlif danışıq üslublarını, aksentləri və kontekstləri nəzərə alaraq yüksək dəqiqliklə işləyir. Həllərimizin əsas üstünlüklərindən biri onların çevikliyidir: texnologiya şirkətin daxili proseslərinə uyğunlaşdırılaraq konkret biznes ehtiyaclarına cavab verən həllə çevrilə bilər. Nəticədə təşkilatlar məlumatların daxil edilməsi və emalı proseslərini sürətləndirir, insan resurslarına düşən yükü azaldır və istifadəçi təcrübəsini əhəmiyyətli dərəcədə yaxşılaşdırır.

Müasir təşkilatlar böyük həcmdə məlumatla işləyir, lakin onu anlamaq və səmərəli istifadə etmək çox vaxt çətindir. Biz bu problemi həll edirik. Azərbaycan dili üçün hazırlanmış təbii dil emalı texnologiyaları və böyük dil modelləri mürəkkəb mətnləri təhlil edir, onların məntiqini anlayır və istifadəçiyə aydın, strukturlaşdırılmış cavab təqdim edir. Bu, artıq sadə axtarış deyil. Bu, məlumatı anlayan, izah edən və qərarların qəbulunu dəstəkləyən intellektual sistemdir. Buna praktik nümunə Cavabdeh.az platformasıdır. Sistem istifadəçinin sualını anlayır, müvafiq qanunvericiliyi təhlil edir, konteksti və əlaqələri müəyyən edərək əsaslandırılmış cavab təqdim edir. Bu, hüquqi məlumatlara çıxışı sürətləndirir və hüquqşünaslar, dövlət qurumları və biznes strukturları üçün yeni iş yanaşması formalaşdırır. Texnologiyamız sənədlərin xülasələndirilməsi, sənədlər üzrə sual-cavab, mətnlərin təsnifatı, müqavilə və hesabatların təhlili kimi korporativ proseslərdə də tətbiq olunur. Əsas üstünlüyümüz çeviklikdir. RAG sistemləri və sahəyə uyğunlaşdırılmış modellər vasitəsilə həll təşkilatın daxili qaydalarına, əsasnamələrinə və biznes tələblərinə uyğunlaşdırılır. Nəticədə model konkret təşkilatın bilik bazası ilə işləyir və daha dəqiq, kontekstual cavablar verir.

Süni İntellekt Köməkçiləri və Ağıllı Agentlər İstifadəçilərlə təbii dildə ünsiyyət quran, müxtəlif informasiya sistemləri ilə inteqrasiya olunan və tapşırıqları avtomatik yerinə yetirən AI həlləri.

Nümunələr: korporativ AI köməkçisi, chatbotlar, virtual operatorlar, vətəndaş/müştəri müraciətləri üzrə köməkçilər, məlumat axtaran və hesabat hazırlayan AI agentləri.

Məlumatların AI vasitəsilə təhlili, proqnozlaşdırılması, anomaliyaların aşkarlanması, qərar qəbuletməyə dəstək və iş proseslərinin avtomatlaşdırılması. Nümunələr: avtomatik analitik hesabatlar, risklərin proqnozlaşdırılması, anomaliyaların aşkarlanması, görüş və sənədlərin avtomatik təhlili, məlumatların təsnifatı və proseslərin avtomatlaşdırılması.